自2008年起，成為 ABA 行為治療師。多年行為治療經驗，深深了解ABA 並非只係一套「技巧」（Technique），例如獎勵模式，不是機械地 “ 做得好！送個貼紙俾你、獎你食粒糖、獎你2分鐘iPad！”。而「循序漸進」（Systematic）並非單向地為增加數量而推進，例如，成功配對2件後變4件、4件後變6件、6件後變8件。距離1米變2米、2米變3米。處理行為問題亦並非只有「戒絕」（Extinction） ” 你想逃走唔想做，我唔可以俾你成功，所以我要捉住你做完哂佢。”ABA 並非一套工具書，不能將 「同一個方法」 應用於不同的對象、不同教學內容中。

​

   Applied Behaviour Analysis ，中文全寫： 「應用行為分析治療」，重點係『分析』。分析小朋友嘅特點，強項弱項，特別係佢身邊嘅自然環境因素帶俾佢嘅影響。

​

  例如小朋友未能 Matching 配對，唔係不停重複咁做就會學識，ABA 係要分析小朋友做唔到嘅原因係乜？

• 行為原因： 因為小朋友太心急？因為重複做咗2個星期太悶？

• 能力技巧： 因為佢左手放左邊右手放右邊、唔識交叉雙手 ？因為 Scanning skill 掃視能力弱？唔理解相同概念？

• 教學問題：圖片太細太相似？唔清晰？個盒太高、遮住咗睇唔到？死背導師 pattern 左完一定係右？導師未有減退提示，令小朋友變成依賴提示？

​

搵出各項問題，再「個人化」（Tailor-made），逐一改善、打好根基，小朋友才可以有學習能力。

 

所以經常提醒我哋嘅行為治療師 “ 小朋友逃避學習永遠唔係小朋友嘅錯，一定係我哋做得唔夠好”。 需要用心去了解每一位小朋友，明白佢哋嘅難處。需要用心了解唔同家長嘅處理方法。需要檢視自己身為導師對小朋友帶來嘅影響。 凡事以小朋友為中心，一個方法唔可行就轉其他方法。再加上緊密與家長溝通，設計內容貼地課程，貼近小朋友及家庭需要，先可以全面地幫助到小朋友過有意義嘅人生。

 

一個自閉症小朋友，望住你雙眼微笑，就係我哋持續努力嘅動力來源，加油！💪😄