ABA Q&A [1] 行為治療只係針對改善行為？

🚨最常見係希望行為治療可以處理小朋友發脾氣，暴力行為，自閉症嘅自我刺激行為，等等。

不過行為治療唔係單單叫小朋友唔好叫，唔準發脾氣變做木頭人，而係按行為嘅原因同功能，教授佢可以取代嘅方法。

開始訓練之前，行為分析師會做兩個評估：

🧐 行為功能評估；搵出問題行為嘅前因後果，按結果對症下藥做出改善行為方案。

🤓 能力評估：透過標準能力評估工具，測試出孩子不同範疇嘅水平，例如語言，認知，社交，自理能力等，再制定個別需要訓練嘅項目。

～～～～～

行為分析師再會觀察及測試，究竟佢做唔到一個題目，係行為問題定係能力問題？

🤪 行為問題：識做不過唔想做

🥺 能力問題：有心做都唔識做

同時能力問題都會誘發行為問題，例如功課根本唔識做，覺得困難又壓力大唔想做，就會使用問題行為去逃避，發脾氣走開對抗唔要做功課。

🔬如果係能力問題，就會分析原因，使用分拆教學法 “Task Analysis“，按能力逐步耐心咁教，做到能夠獨自完成。同時亦會按唔同嘅項目需要，配對不同嘅教學法。例如：自發性語言使用 “Natural Environmental Training”， 認知項目使用 “Discrete Trial Teaching”，自理項目使用 “Chaining”， 邏輯推理項目使用 “Relational frame theory”，等等，按個人需要而定。

🎯再配合個人化嘅獎勵同時間表 “Reinforcer & Reinforcement Schedule”，去加強不同知識，鼓勵良好行為。

👋 最後仲要配合如何減少協助 “Fading”，應用技巧 “Generalization”，如何長久哋保持技巧 “Maintainence”，不同嘅後期工作，令到喺再冇治療嘅情況下，小朋友都能夠自然發揮。

🎖終極目標係將來能夠獨立自主，過有意義嘅生活。

～～～～～

✴️ 總結：確實好複雜，好難一次過解釋清楚，唔係單單叫小朋友坐定聽話就係行為治療。課堂中會按孩子嘅需要，同埋家長對子女嘅長遠目標，應用ABA嘅不同教學法， 教授不同範疇嘅知識。