Mand 自發性溝通 [1] 關鍵一步影響長遠訓練意義

我哋希望孩子可以主動表達自己，使用正確語言，而非用問題行為表達自己，第一步訓練係：Mand training – 主動提出要求，期望別人能幫助自己，給予所需。

📣 家長訓練 Tips： 【減少使用問句】

Ask 主動問 ✅ VS. Answer 回答 ❌

首先解釋一下 『自發』『主動』嘅意思： 家長希望孩子講出佢心裡面所想，主動同你溝通。試想想我哋幾時會主動開口說話？就係你有慾望有所要求嘅時候。我哋希望教識小朋友，當有動機，如『肚餓』嘅時候，主動回應自己嘅動機，使用說話提出要求，從而得到所需要嘅嘢，學習到語言嘅重要性。而唔係等有人問問題先回答。

漫畫中，雖然兩種方法都得到我哋想要嘅結果，孩子說出 『我想食蛋糕』，亦提供咗相應嘅獎勵 『蛋糕』。 ✴️ 但係一個係主動回應自己嘅需要，一個係被動地回應媽媽嘅提問。

～～～～～

所以幫孩子練習自發性溝通嘅時候，嘗試減少使用問題提示，嘗試多做：

1️⃣ 把握時機：捉緊孩子有動機嘅時候練習不同嘅語句 🚨

2️⃣ 提高動機：使用物件引誘，誘惑出動機，重複練習 🤹‍♀️

3️⃣ 直接提示：當捕捉到有動機既時候，直接提示孩子要使用嘅句子『我想要_____』，

『可唔可以 ______』， 先練習填充句子結尾，成功習慣使用句子之後再減少提示，直至小朋友學懂回應自己嘅動機，而非依賴提示 🎯