Mand 自發性溝通 [2] 唔肯講，用手搶，再發脾氣點算？

上回講到，同小朋友練習主動表達需要，首先要引起孩子嘅動機，再提示佢應該使用嘅句子，跟住有家長問： 成功引起興趣，不過佢點都唔肯講，要用手搶，唔俾佢又發脾氣，咁點算好？😓

～～～～～

Never give up, never give in, just start over!

唔好放棄，唔好安撫讓步，只要重新來過就好了！💫

～～～～～

例子：媽媽捕捉到下午茶時段，孩子嘗試伸手拎麵包，媽媽幫忙打開膠袋，將麵包搣開一小塊，放到孩子面前，等一等，引誘孩子講出 「麵包」。🍞🥖🥐

不過孩子冇反應，冇講嘢，開始用手搶。相信大家都知道一定唔可以俾麵包安撫佢，如果讓步，就會變相教識咗孩子發脾氣用手搶可以得到佢想要嘅嘢。不過點做先啱呢？

1️⃣ 移走物件：將麵包從視線範圍中移除，例如收一收係背脊 🤷🏻‍♀️

2️⃣ 如有需要，輕輕將孩子雙手放回原位

3️⃣ 停一停，等一等，冷靜一下 😌

4️⃣ 重新拎返麵包出來，立即提示！媽媽講：「麵包」，之後立即將麵包送給孩子 🎁

完成後，就開始進一步減少口頭提示，等孩子可以多啲自發練習！

方法一： 媽媽講完，等孩子重複一次，先至俾麵包。 👩🏻💬👦🏻💬🍞

方法二：媽媽講完俾咗麵包先，再拎多一細塊，等一等，俾時間孩子思考，引誘佢自發講出想要嘅麵包。 👩🏻💬🍞，⏳👦🏻💬🍞

最終目標：沒有提示之下，可以主動要求 👦🏻💬🍞