「如果小朋友係咁自言自語，點樣帶佢返黎做嘢？」🎶

第三階段：

「小朋友自己坐喺度Zoom ！盡力回應老師，就算答錯都唔緊要，有上堂聽書就好。家長自己可以坐喺旁邊WFH ，只係做後勤IT 及物資管理 ，有需要時才幫手。」🤩

最終目標：退居幕後 🛋

如果小朋友喺上一個階段嘅互動表現理想，課堂內容亦大致能夠掌握，家長係時候慢慢減退參與，延長小朋友獨立專注力。最好就係能夠參與一大班同學仔嘅Zoom ，自己完成一堂。🎓

～～～～

⏰ 全班Zoom 相比單對單，老師對我哋小朋友發問機會較少，聽書時間較長，當老師專注唔再係放喺佢一個人身上，而小朋友參與課堂嘅「密度」偏低，需要回應嘅次數越少，空閒時間就越長，需要維持專注就越難，小朋友就會容易分心，自閉症小朋友更會有機會進入自我刺激行為自娛。

✈️ 能夠有基本自我控制能力嘅小朋友，家長可以keep 住使用第二階段「保持專注」嘅方法提示要安靜，畢竟現實上堂都應該要安靜留心聽書。但請緊記額外嘅、唔自然嘅提示，例如圖卡同儲貼紙等方法。當小朋友能夠自我控制後，就需要逐步減退，因為現實生活中未必有一樣嘅提示硬件。

舉例其中幾種代幣制度 （儲貼紙）減退方法：增加得到貼紙嘅條件及難度、要求更長嘅自我控制時間。改獎俾貼紙嘅模式： 由卡通人物魔術貼，進化成一個圓形入面tick 一tick 。圖片都可以減退，越來越低調唔顯眼。

⚠️ 所有協助提示都需要預先設定好減退計劃，唔需要用盡量唔好開始用，避免做成太過依賴額外協助，令小朋友未能學會獨立。

💭 但係如果小朋友開始進入自我刺激行為，可以用定時方法，每隔少少時間使用簡單問題，引導小朋友專注於老師上。例如： 睇吓老師拎乜嘢出來？頭先老師講乜嘢？你都跟住做？一開始頻率比較密，維持較強互動，當開始平靜落嚟之後，見到小朋友開始將專注力回到老師身上，可以開始慢慢減少，回復到影子嘅身份。

～～～～～

🛠 I .T. 技術問題，網絡延誤誘發行為問題：

等。。。 同樣地又係待機狀態，容易再次進入自我刺激行為自娛。呢個情況家長可以採取更主動嘅介入，主動傾吓偈，玩一陣，主要內容圍繞返老師做緊嘅題才，令小朋友維持喺Zoom 課堂嘅狀態。

⏳ 回神過來之後可以一邊引導小朋友，一邊陪佢練習等一等，係一個好時機練習等待，提示要「等一等」之後，每隔一段短時間（ 幾十秒到1分鐘左右不等）， 稱讚小朋友有耐心等候，中途亦輕輕拍一拍小朋友膊頭及小手，掃掃背脊，讚賞佢仍然坐好一齊等一等。直至老師示意課堂再繼續為止。

～～～～～

🏫 能力問題：

由單對單過渡到小組學習，就算現實世界中都需要額外加強小組技巧及社交認知。其中可能會出現於Zoom 課堂嘅包括：

👩‍🏫 小組技巧：老師冇指名道姓，幾時先要答問題？例如小朋友明唔明白老師講「所有小朋友一齊。。大家一齊。。。」而佢自己都係其中之一？

觀察能力：有時老師冇明確問題，但係其他同學會一齊回應？小朋友又識唔識得跟風？

👉 Zoom 途中：呢一類型嘅難題都需要適當時候主動協助，可以同樣使用動作手勢 （拍一拍小朋友，指一指螢幕），提示「回答嘅時機」，指一指其他小朋友提示要跟大家一齊做。但更多嘅係需要課後練習 ，家長跟開上Zoom， 會比較熟悉老師嘅提問模式，下課後多用關鍵字眼，一家人一齊玩，多練習回應。或者帶回單對單訓練拆細練習理解。

🎁 到最後最後，小朋友同大朋友辛苦上完堂，大家都值得獎勵！請互相獎勵對方，開開心心親子時間玩一陣，或者一齊食吓嘢，休息一下吧 ！

～～～～～

🔎 畢竟以上參考個別例子，每個小朋友不盡相同，現實情況又更加複雜，或者會問「小朋友連坐都未坐得定，咁點算呀？」

ABA 行為分析治療特點就係 individualized 個人化，尊重每位自閉症小朋友嘅特質，希望呢一系列文章，帶俾各位多角度分析，唔係一個方法跟住做，按照你小朋友現況去制定提示策略吧。 😄

和你一齊抗疫，一齊加油！✊