世界自閉症關注日：和你一齊認識自閉症行為特徵 ♾️

自閉症人士有時不停重複看似無目的無功能嘅行為。

👋Tactical 觸感 ｛不停拍手，觸摸嚡霎霎嘅手踭死皮｝ 👁Visual 視覺 ｛望線條罅隙，大力擠壓眼睛出現幻覺｝ 👂🏻Auditory 聽覺 ｛有趣音調，重複開閂電視聽某牌子電視嘅開場音調｝ 👅Smelling / licking 聞 / 舔 ｛聞頭髮，舔第二節手指骨｝ 🧠Vestibular 前庭 ｛前後搖晃，自轉｝ 🧠Proprioception 本體 ｛磨牙，跳｝ 🪐Object 物件 ｛巴士地鐵路線圖，太陽系恒星｝ 🌈Pattern 圖案 / 模式 ｛ 數字字母形狀顏色，3歲小朋友每日睇財經台，每日天氣報告相對濕度｝ 👄Verbal 口頭 ｛自言自語，背書，對白台詞，一人分飾多角｝ ㊙️Ritual 儀式 ｛特定嘅行事方法次序，擺放方法，屬於書房嘅櫈唔能夠喺客廳用｝ ⛔️Rigidity 固執 ｛堅持不變，媽媽負責換衫婆婆負責餵飯 不能掉轉，行街只能轉左不能轉右｝ 🤕有時更加會有自傷行為出現，例如過度拍打身體以致瘀傷，或過度摩擦身肌膚到感到疼痛嘅地步。

～～～～～

❌唔理解嘅人視之為一種重複怪異行為，投以歧視眼光。認為應該立即消滅呢啲行為，叫佢唔準做，叫佢收聲，佢就會回復正常。

❤️但係認真了解佢哋嘅需要，同埋行為嘅成因之後，會發現對自閉症人士來講，呢類行為可以代表唔同嘅功用：

1️⃣自我刺激：無聊時嘅自我滿足自娛行為，尋求官感刺激 ，真心鐘意enjoy。 2️⃣亦有可能係壓力大，遇到解決唔到嘅問題，自我刺激行為會變成減壓或逃避現實嘅方法。 3️⃣亦有可能係佢哋溝通表達嘅方式，用個別行為吸引人求關注。

🌟每個獨特嘅自閉症人士都有自己個別嘅原因。

～～～～～

‼️但係呢啲行為其實人人都有！你都有我都有！ ｛自爆：唔同顏色味道嘅食物不能夠放喺同一個碗，寧願唔食🤢｝

😌只不過係表現出嚟嘅程度唔同，可能我哋略懂人情世故，懂得睇時勢，通常會收收埋埋，會嘗試忍耐，同埋會想辦法解決。 咁係唔係要令呢啲行為全部禁止？其實有時無傷大雅？

⚖️分別取決於是否懂得控制，會否影響到學習，會否影響到與人社交融入社會，會否令個別人士因為沉醉於自我刺激中而忘卻處理生活日常。

～～～～～

今日係『世界自閉症關注日』，希望大家可以多理解佢哋行為背後嘅原因，多花時間了解同包容。請嘗試：

🤪多啲介紹新嘢玩，令到佢覺得其實呢個世界好多嘢好玩過自己㗎～ 🧐理解佢有唔同程度嘅困難，了解佢哋嘅難處，一齊處理解決問題 🤩花多啲時間陪伴，投入佢嘅喜好，引導將喜好變成更具價值嘅活動，發揮所長 🥰理解佢嘅不安，尊重佢嘅偏好，唔使夾硬打破佢哋嘅儀式同固執，同時更要協助佢哋加強認知：學習自我控制，分辨輕重，幾時可以做，幾時唔可以做，解釋點解有啲時候唔可以做呢？做咗嘅後果？有冇其他嘢做會好啲？維持到日常生活社交學習就好😌

和你一齊學習一齊加油💪