面對問題行為 ｜ 與其指責、不如指導

😠與其：指責 「唔好，停止！」

😀不如：指導 「我哋試吓、不如我幫你。。。」

小朋友經常發脾氣，扭計。家長當然清楚要教導小朋友，咁樣係唔可以，唔啱，喊同大叫係唔會解決到問題！停止喇，唔準再嘈啦！

大人忍唔住就一齊發脾氣。。。

負面指責：「唔準周圍走」只有講唔好做乜，咁應該做乜？幫助唔到小朋友改善行為問題，同時不停責怪只會令小朋友反抗越大，親子關係差越來越差。

正面指導：「我哋試吓一齊坐定定，手仔放好膝頭哥，pat pat 黐住張凳，我幫幫你，睇吓可唔可以做到先～」明確說明目標，清晰指引，沒有帶有負面情緒嘅語氣，加上耐心協助練習，小朋友學習嘅動機都會大大改善。

～～～～～

以下分享一下，自閉症兒童常見嘅案例：

案例 1: 逃避學習 Escape or avoidance of task

😠與其：怪責小朋友唔用功，「咁懶，又唔做嘢又唔讀書！」

😀不如：一齊面對，協助渡過難關，「係咪好難呀？邊度唔識做？不如我幫你啦！」

案例 2: 自言自語 Verbal stimulation

😠與其：禁止發出聲音，標籤奇怪，「Shuuuu！ 唔要奇怪聲呀！」

😀不如 : 重新引導對話，發掘新興趣，「不如我哋傾吓計，教你玩新遊戲吖！」

案例 3 ： 騷擾尖叫 求關注 Attention seeking

😠與其：冷落、無視、批評，「唔好阻住我做嘢，自己玩啦。」

😀不如 : 安排時間，定時陪伴關注，「乖乖哋，等一陣，一陣陪你玩。」

～～～～～

當然個別處理方法，需要了解真正嘅行為原因而制定。

不過，同一件事，換個角度，轉換心情。

改變思考模式，改善說話語氣，可以大大改善親子關係，同埋小朋友嘅感受，不妨試試 💛